◕‿◕ ريـُآنـِـة آلـعّـود .. نـَآديِ آلليَـآلي تـُعـوٍد [ بتنحفون حيآكم ] ◕‿◕

آلسلآم عليكم ورحمة الله وبركاته

كيفكم يآحلوات ان شاء الله بخير ..~
مالي خبره بالمقدمات بدخل بالموضوع على طول ..

كلنا ندور الرشاقه ونبي ننحف .. بش ليش نحط لنا نظام غذائي قاسي جدا
ولما يجي اليوم المفتوح ناكل بشراهه مانقدر نتحكم لأننا محرومين ..
ويرجع كل شي خسرناه .. حتى لو كنتي محرومه من خبزه وكليتيها باليوم المفتوح
راح ترفع وزنك .. وللأسف هذا اللي حاصل ..

اعرف وحده كانت معي بالمعهد .. وزنها 120.. جت الاجازه مدتها شهرين .. رجعت الا احصلها
ناقصه 40 كيلو وضعفااانه حيل ومنبهرين منها .. تقول سويت رجيم قاسي جدا زبادي وتفاح بس
.. المهم غابت عنا فتره لان المواد اللي تبي تسجلها ماحصلتها الا بعد 4 شهور لين يصير عدد البنات
اكثر من 5 يفتحون صف بالمعهد .. رجعت لنا دببببببببببببببببببببه .. تفاجأنا ليه قالت كل شي خسرته رجعته
وهي باديه تاكل كل شي لايت .. سواء حليب او كوفي .. الاكل تاكله طبيعي بس 10 ملاعق سوا رز او مكرونه
.. الصواني .. تاخذ 3 ملاعق .. من اي صينيه يسوونها بالبيت .. لما تطلع برا اكل دايت ..

الحين لها 8 شهور على هالحاله صار وزنها 70 من بعد ماتدبل وزنها لـ 135 ..

نفس الحكايه : عمتي الله يطول في عمرها ..
وزنها 160 كيلو .. وسافرت برا المملكه وماشفناها سنه كامله ..
ورجعت لنا وزنها 80 كيلو .. سألناها ياعميمه وش تسوين .. قالت والله
10 ملاعق رز او مكرونه سلطات بالهبل .. اكل حلو واشرب كل شي لكن بحدود المعقول
او يكون لايت .. مع سكر الرجيم .. الشاهي الاخضر تشرب على الريق كوبين لااااااازم ..
وتقول ماني مستعجله على شي وليش احرم نفسي واعيش بعذاب ..

وانا راح اقتدي بهم ..

فـ ياحبيباتي .. احنا وش مستعجلين عليه ..
انا بديت رجيم الزبادي الموز والبرتقال من 12 - 10 - 1432 .. لي خمس ايام الحين
صحيح نزلت كرشتي بس على التعذذذذذيب الاليم والحرمان مانزل الا 2 كيلو ..
والله ووالله متقيده فيه بحذافيره .. بدوون تخبيص .. جاني صداع وتعب وارهااق .. بس قلت نكمل
يمكن على اخر الاسبوع يتغير وينزل شي .. ماتسوى علي عذبت نفسي ..

الحين راح اسوي مثل البنت اللي كانت معي بالمعهد ..

رحت وشريت لي كوفي ميت لايت وحليب بوني قليل الدسم ..
وشوربة ماجي .. وعن نفسي حبتين اندومي وشوكلاته وشريت لي زنجبيل طازج
بحطه لي بترمس واشرب منه لين ادوووخ .. شاهي وقهوه راح اشرب .. عادي جدا ..~

ماراح احرم نفسي من شي ..
راح اكل 10 ملاعق رز دسم بالاسبوع 3 مرات وباقي الايام رز مسلوق وأي إيدام انا ابيه ..~
شريت لي بيبسي دايب ..
وعلى فكره يقولون ان علبة الببسي الوحده تساوي 5 علب ببسي دايت ..~
راح اكل كل شششششششي .. بس بحدود .. وراح اطلع الدرج وانزل
ماني مستعجله على نزول الوزن .. من هنا الى 8 او 9 شهور قدام ..~
ماورانا شي ..
لاجنه بتطير منا ولا رزقنا بيروح عنا .. وواللي بيحبنا ويبينا بيحبنا بشكلنا وطريقتنا وجسمنا
ويصبر علينا .. مافي شي يجي من يوم وليله

لكن احرررررم نفسي .. وبعدين ارجع ادبل .. ياخسااارة التعب والارهاق ..~

حبيت اوضح لكم ان الشحوم اكتسبتيهاا في سنين ..
ومن الصعب تخسرينها بـ 20 يوم او شهر ..

لابد من الاستمرار وعدم الحرمان عشان ماتصير الاشياء عكسيه ..

تمنياتي لكم بالصحه والعافيه ..